Жейми Каррагер «Манчестер Юнайтед»нинг дарвозабони Андре Онанани танқид қилди.

«Спорт формаси ёмон бўлган дарвозабон ҳеч қаерга яширина олмайди. Эҳтимол, Онана ҳамон тен Ҳагнинг қўллаб-қувватлаши сабабли майдонга тушаётгандир, аммо мураббийнинг ҳам сабри тугаши мумкин.

«Манчестер Юнайтед»дек жамоа учун дарвозабоннинг бу даража кўп хатога йўл қўйиши ғалати, бунга йўл қўйиб бўлмайди. Дарвозабон – ярим жамоа. Улар сўнгги чизиқ вакили, хатоси доим қимматга тушади. Дарвозабон ўзига ишонмаса, бу ҳолат бутун жамоага таъсир қилади.

«Юнайтед»да Онана ғалабани дурангга, дурангни эса мағлубиятга айлантирмоқда», - дейди «Ливерпул» собиқ сардори, ҳозирда ТВ эксперт сифатида фаолият юритаётган Жейми Каррагер.