Антуан Гризманн Жоау Фелишнинг «Атлетико»дан кетиши сабабини тушунтирди.

«Бу ерга келиб, мураббий ва жамоа қандай эканлигини озми-кўп тасаввур қиласиз. Мослашасиз ва ишлашни бошлайсиз ёки сиз учун ҳеч нарса чиқмайди. 

Жоау баъзида жуда яхши ишлади, лекин унга барқарорлик керак эди, баъзида эса чарчаб, ўзини бу клубга тегишли эмас деб ўйларди. Шунинг учун у кетишга уринди ва клуб ҳам уни қўйиб юборишга тайёр эди», — деди «Атлетико» ҳужумчиси Movistar'га берган интервьюсида.

Мадрид клубидан «Барселона»га ижара асосида ўтган португалиялик ҳавбек бу мавсумда Ла Лигада 11 ўйинда 1та гол урди.