«Манчестер Юнайтед» бош мураббийи Эрик тен Ҳаг ЕЧЛ 5-туридан ўрин олган «Галатасарой»га (3:3) қарши ўйиндан сўнг ўз фикрларини билдирди. 

«Ғалаба қозонаётган эдик, кейин эса устунликни бой бердик. 3 очко олишимиз керак эди, бу аниқ. Буни бошқа ўйинларда ҳам қилгандик.

Ўйинимиздан мамнун бўлдим, лекин шу билан бирга жамоани танқид қилишимга тўғри келади, чунки ҳимоя етарли даражада яхши эмасди. 3:1 ҳисобида олдиндамиз ва хатоларга йўл қўйяпмиз. 

Жарима зарбасидан киритилган иккинчи тўпми ёки учинчи тўпми, ҳар бир голнинг ўз тарихи бор. Уюшқоқлик билан ўйнадик, лекин хатолар сабаб юкимиз ортиб кетди. Бундай бўлмаслиги керак. Сабоқ олишимиз керак.

Жамоанинг услуби кўриниб турибди — фаоллик, динамика ва шижоат.  Ўйиндан мамнун бўлдим, чунки биз жуда кўп вазиятлар яратдик, лекин шу билан бирга ғалаба қозонишимиз керак эди. 

Натижага ҳар доим мен жавобгарман. Лойиҳа қураётганимизни биламиз. Яхшиланишларни амалга оширяпмиз. Тўғри йўналишда кетяпмиз, шунинг учун биламанки, биз узоқ муддатда муваффақиятга эришамиз. Лекин агар Чемпионлар Лигасида қолишни истасак, унда бундай ўйинларда ғалаба қозонишимиз керак», — дея нидерландиялик мутахассиснинг сўзларини келтиради ВВС.