«Ал Ҳилол» яримҳимоячиси Сергей Милинкович-Савич ОЧЛ 5-туридан ўрин олган «Навбаҳор»га (2:0) қарши баҳсдан сўнг ўз фикрлари билан ўртоқлашди. 

«Бугун жуда ҳам яхши ўйин кўрсатдик, деб ўйлайман. Мураббийимизнинг барча кўрсатмаларини бажардик. Сўнгги турда ҳам ғалаба қозонишга ҳаракат қиламиз. 

Баҳс бошида бироз муаммолар бўлди. Кейин ўз ўйинимизни топиб олдик. Жисмонан ва характер томонлама ўзимизни кўрсатдик. 

«Навбаҳор» — шаклланган жамоа. Биринчи ўйинда ҳам жиддий қаршилик кўрсатганди, аммо бугун биз ҳам ўз ўйинимизни намойиш қила олдик», — дея Милинкович-Савичнинг сўзларини келтиради Tribuna.uz мухбири.