«ПСЖ» ҳужумчиси Килиан Мбаппе ЕЧЛ 5-туридан ўрин олган «Нюкасл» (1:1) билан ўйиндан сўнг ўз фикрларини билдирди. 

Парижликлар форварди 90+8-дақиқада пенальтидан ҳисобни тенглаштириб, жамоасини мағлубиятдан қутқариб қолди. 

«Менинг вазифам – гол уриш ва йигитларга ёрдам бериш. Бугун жамоага яхшироқ ёрдам беришим мумкин эди. Кўп имкониятларга эга бўлдим, аммо гол ура олмадим.

Чемпионлар Лигасида имконият бўлганда тўп киритиш керак. Бизда 9 ёки 10 имконият бўлди, аммо пеналтигача гол уролмадик», — дея Мбаппенинг сўзларини келтиради УЕФА расмий сайти.