Индонезияда ўтаётган U17 жаҳон чемпионати яримфинали доирасидаги биринчи баҳсда Аргентина Германияга қарши майдонга тушди.

Турнирнинг энг яхши ўйинларидан бирига айланган баҳснинг 9-дақиқасида Бруннер немисларни ҳисобда олдинга олиб чиққан бўлса, танаффусгача Аргентина Руберто Фабианнинг дубли эвазига камбэк қайд этди – 2:1.

Аммо 2-бўлимда устунлик яна немислар қўлига ўтиб, Бруннер 58-дақиқада дубли билан ҳисобни тенглаштирди, 69-дақиқада эса Морстедт германияликларни ҳисобда олдинга олиб чиқди – 3:2.

Ҳакам томонидан қўшиб берилган 90+7-дақиқада эса Руберто яна катта саҳнага чиқиб, ҳет-триги эвазига Аргентинанинг жавоб голига муаллифлик қилди – 3:3. 

Натижада, жамоалар пеналтилар сериясига ўтишди. Лотереяда эса омад немисларга кулиб боқди ва улар дастлабки финалчига айланишди – 4:2.

Яна бир финалчи номи бугун ўтадиган Мали ва Франция ўртасидаги яримфинал баҳсида маълум бўлади. 

U17 жаҳон чемпионати. Яримфинал
Аргентина U-17 – Германия U-17 3:3. Пеналтилар серияси: 2:4
Голлар: 0:1 – 9 Бруннер, 1:1 – 36 Руберто, 2:1 – 45 Руберто, 2:2 – 58 Бруннер, 2:3 – 69 Морстедт, 3:3 – 90+7 Руберто
Аргентина U-17 – Florentín, Горосито, Giménez, Palacio Cardozo, Ontívero (Вильяльба, 46), Эчеверри, Акунья (Mastantuono, 59), Gerez, Hidalgo Albarracín (Gutiérrez, 72), Субиабре (Лаплас, 59), Руберто Фабиан.
Германия U-17 – Heide, Одогу, Jeltsch, Hennig, Дарвих (von der Hitz, 84), Ялчинкая (Рамсак, 74), Harchaoui, Osawe, да Сильва Морейра, Бруннер, Морстедт (Rüger, 90).
Огоҳлантиришлар: Одогу (74), Mastantuono (79), Дарвих (81), Морстедт (86), Giménez (86).