«Манчестер Юнайтед» клуби раҳбарияти Карло Анчелоттини жамоага таклиф этмоқчи.

COPE хабарига кўра, жорий мавсум якунида «Реал» билан шартномаси ниҳоясига етадиган италиялик мутахассис келаси мавсумни Англияда бошлаши мумкин. Қайд этилишича, «Манчестер Юнайтед» Анчелоттини бош мураббийликка таклиф этиш масаласини ўрганмоқда. Инглиз клуби раҳбарияти Эрик тен Ҳагнинг ишидан қонимаяпти ва 64 ёшли италиялик мутахассис жамоанинг аввалги мавқеини тиклаши мумкинлигига ишоняпти. 

Аввалроқ, Анчелоттига Бразилия миллий жамоасидан таклиф борлиги хабар қилинган эди. 

Маълумот учун, «Юнайтед» АПЛ 13-туридан кейин 24 очко билан турнир жадвалида 6-ўринни эгаллаб турибди.