Пеп Гвардиола «Манчестер Сити» билан келишувни узайтириши мумкинлиги ҳақида гапирди.

Испаниялик мутахассиснинг амалдаги шартномаси 2025 йилда якунига етади.

«Янги битим? Менда куч бор. Бу саволга жавоб бермайман.

Албатта, эртагаёқ кетишим мумкин. Футболда бир йил — жуда узоқ вақт. Фаолиятимни узун сочлар билан бошлагандим ва ҳозир қандайлигига қаранг.

Премьер-лигада 100 очко олган жамоа абадий сақланиб қолишини истардим.

Вақт ўтади ва кимдир келиб, бир позицияни эгаллаганида, унда маълум стандартлар бўлади. Футболчилар яхшиланади ёки мураббий истеъфога чиқади. Бу — нормал ҳолат», — дея «шаҳарликлар» устозининг сўзларини келтиради MEN.