Эрик тен Ҳаг Рафаэл Варан билан можаро ҳақидаги саволга жавоб берди.

Аввалроқ ҳимоячининг «Манчестер Юнайтед» устози билан муносабатлари ёмонлиги ва клубни тарк этиши мумкинлиги ҳақида хабарлар тарқалганди.

«Нима ҳақида гапираётганингизни тушунмаяпман. Бу — миш-мишлар.

У — жуда муҳим ўйинчи, аммо ички рақобат бор, топ клубда шундай бўлиши керак. Яхши ўйин кўрсатаётган икки футболчи Рафа Варан ва Ҳарри Магуайрдан бирини танлашга тўғри келмоқда», — дея нидерландиялик мутахассиснинг сўзларини келтиради Manchesterworld.