Пеп Гвардиола Юрген Клопп уни яхшироқ мураббийга айлантирганини айтди.

«Манчестер Сити» бугун, 25 ноябр куни АПЛ 13-тури доирасида «Ливерпул»ни қабул қилади.

«Ливерпул»? Биз эски дўстмиз, бир-биримизни яхши биламиз. Вақт ўтди, 8-9 йил ўтди, футболчилар алмашди, Трент ҳам қанотда ўйнади, ҳам марказга ўтди. Аммо фикр ўзгаришсиз қолади.

Улар ҳар доим бизнинг асосий рақибимиз бўлиб келган. Ўтган мавсумда «Ливерпул»да жуда кўп жароҳат бўлди. Лекин бу — топ-клуб, топ жамоа ва биз ўйинни интиқлик билан кутамиз.

«Эл Класико»га таққосласа бўладими? Бу бошқача. «Барса» — «Реал» ўйинига солиштирадиган бўлсак, Аввал «Сити» 20-30 йил давомида 1-ўринда бўлмаган, аммо «Ливерпул»... Сўнгги 10 йилликда «Ливерпул» бизнинг энг яхши рақибимиз бўлди, бу — ҳақиқат.

Клопп? Албатта, у мени, ўзини ва жамоасини яхшироқ қилди. «Ливерпул» ва «Боруссия» ҳар доим кучли рақиб бўлган, улар яхши ва чиройли ўйнашган.

Клопп ва унинг жамоалари мени яхшироқ мураббий қилишди. «Ливерпул» — фантастик жамоа, бунга шубҳа йўқ», — дея «шаҳарликликлар» устозининг сўзларини келтиради ВВС.