Аурелио Де Лаурентис Украина — Италия учрашувидаги ҳакамликдан норози.

«Наполи» президентининг фикрича, 90+3-дақиқада Михаил Мудрик жарима майдончаси ичида йиқилганидан кейин мезбонлар пеналти тепиши керак эди. 

Баҳс 0:0 ҳисобида якунланди. Италия Евро-2024, Украина плей-офф йўлланмасини қўлга киритди. Агар украинлар ғалаба қозонганида, аксинча бўларди. 

«Ҳеч ким воқеани кеча Италия Украинани «талон-тарож» қилгани каби кўришни истамайди. Албатта, пеналти бўлиши керак эди», — дейди Де Лаурентис.