Микел Артета 5 кишидан иборат рамзий жамоа тузди.

«Арсенал» бош мураббийи ўз жамоасига Лионел Месси, Криштиану Роналду, Роналдо, Йоҳан Кройфф ва Диего Марадонани қўшган.

У дастлаб ортиқча иккиланишсиз Лионел Месси ва Криштиану Роналдуни танлади. 

«Сўнг Роналдони оламан, чунки у менга болалигимдан ёқарди. Тасаввур қилинг-а, Месси, Роналду ва Роналдо учлигига дуч келиш қандай бўларди. 

Албатта, Йоҳан Кройффни ақл-заковати ва футбол учун қилган ишлари туфайли қабул қилган бўлардим. Буларнинг барчаси — ҳужумкор ўйинчилар, лекин мен қўшишим керак бўлган яна бир ўйинчи — Марадона, бу менинг оилам ва аргентиналик илдизларим, шунингдек, рафиқам туфайли. У футболни ва «Барселона»ни қандай ўзгартирганини ҳисобга олсак, рўйхатда бўлиши керак.

Ҳимоячилар йўқ, 5 футболчи билан ўйнаймиз. Дарвозабон ҳам бўлмайди.

Агар 6 кишилик жамоа бўлса, дўстим Пепе Рейнани қўшардим. Мен у билан 16 ёшимда «Барселона»да ўйнаганман ва ҳозир у еврокубокларда энг кўп ўйин ўтказган испанияликка айланди. У 41 ёшда ва ҳали ҳам ўйнамоқда. Ажойиб фаолият», — деди «тўпчилар» устози.