Хитой Халқ Республикаси раиси Си Цзинпинн Хитойнинг ЖЧ-2026 саралаш босқичи 1-тури доирасидаги Таиланд устидан қозонилган ғалабасига (2:1) муносабат билдирди.

Таиланд бош вазири Сеттхой Тхависин Си Цзинпинн билан учрашувда «Футбол сизга ёқадими? Менга ҳам. Хитой кеча Таиландни мағлуб этди, шундай экан биз жаҳон чемпионатига бора олмаймиз», - дея фикр билдирди.

Таржимон Хитой Бангкокда ғалабага эришганини тушунтиргач, «Чинданми? Фикримча, бу кичик тасодиф бўлса керак. Менда жамоамизнинг кучига шубҳам бор. Миллий жамоамизнинг савияси унча юқори эмас», - дея жавоб қайтарди Хитой раиси.

Эслатиб ўтамиз, Хитой миллий жамоаси ўз тарихида илк ва сўнгги марта 2002 йилда жаҳон чемпионатида иштирок этган.