Килиан Мбаппе фаолиятида 300 голлик маррага эришгани ҳақида гапирди.

«ПСЖ» ва Франция ҳужумчиси Гибралтар билан ўйинда (14:0) ҳет-трик қайд этди. Унинг ҳисобида энди миллий жамоада 46та, клубларда эса 254та гол бор.

Мбаппе бу кўрсаткичга 25 ёшга тўлмасдан эришди – Лионел Месси ва Криштиану Роналдудан тезроқ.

«Бу — жараённинг фақат бир қисми. Фаолиятида 800 ёки 850та гол урган футболчилар бор. Шундай экан, 300 — шунчаки кулгили! 

Биз клубда ҳам, миллий жамоада ҳам натижаларни яхшилаган ҳолда олдинга интилишда давом этишимиз керак», — деди Мбаппе ўйиндан сўнг TF1 эфирида. 

Сентябр ойида Роналду фаолияти давомида 850та гол урган биринчи футболчига айланди. Унинг ҳисобида ҳозир 1188та ўйинда 858та гол бор. Иккинчи поғонадаги Мессида 1044та ўйинда 821та гол бор.