Килиан Мбаппе «ПСЖ»даги келажаги ҳақидаги саволга навбатдаги марта жавоб беришни истамади.

«ПСЖ»даги келажагим? Бу Франция миллий жамоасига таалуқли савол эмас. «ПСЖ» қароргоҳига келинг, саволингизга жавоб бераман. Бу ҳафтада бор эътиборим миллий жамоага қаратилган. 

Бу мени безовта қилмайди. Бу ҳақда майдонда ўйламайман. Умуман, майдонга тушаётганимда футболдан ташқаридаги нарсалар ҳақида ўйламайман», - дейди Мбаппе.

Маълумот учун, Мбаппенинг амалдаги шартномаси 2024 йилнинг ёзида якунига етади. 

Аввалроқ, ҳужумчига «Бавария» ва «Ливерпул» қизиқиш билдираётгани, футболчининг ўзи эса «Реал»га ўтишни режалаштираётгани ҳақида хабарлар тарқалганди.