«Реал» клуби Эдуардо Камавинга жароҳат сабабли 2–2,5 ойга сафдан чиққанини маълум қилди.

Қайд этилишича, франциялик яримҳимоячининг ўнг тизза пайлари узилган. Футболчи 8-10 ҳафта майдонга туша олмаслиги тахмин қилинган.

Шу тариқа, Камавинга «Реал»нинг камида 7та ўйини – Ла Лигада 5, ЕЧЛда 2 баҳсда майдонга туша олмайди.

Relevo хабарига кўра, Эдуардонинг 10-14 январ кунлари Саудия Арабистонида ўтадиган Испания Суперкубоги баҳсларида ҳам иштирок этиши сўроқ остида. 

Маълумот учун, Камавинга жорий мавсум клуби сафида 17 ўйинда майдонга тушганди.