Эдуардо Камавинга ўнг тизза тўқималарининг узилиши ташхиси қўйилди. 

«Реал» яримҳимоячиси Франция миллий жамоаси машғулотларида Усмон Дембеле билан тўқнашувдан сўнг жароҳат олганди.

21 ёшли футболчи жарроҳлик амалиётига муҳтож эмас, аммо у Гибралтар (18 ноябр) ҳамда Грецияга (21 ноябр) қарши Евро-2024 саралаш ўйинларини ўтказиб юборади.

Маълумот учун, Франция октябр ойи ўрталарида Европа чемпионатининг финал турнирига муддатидан аввал йўлланма қўлга киритганди.