Россия миллий жамоаси ва Москванинг «Локомотив» клуби собиқ бош мураббийи Юрий Сёмин ўзбекистонлик Аббосбек Файзуллаевни Россия Премьер-лигасининг 1-даврадаги кашфиёти деб атади.

«Биринчи давранинг асосий кашфиёти? Менга Аббосбек Файзуллаевнинг кўрсатган ўйинлари ёқди. Уни асосий кашфиёт деб аташ мумкин. Файзуллаевни ёрқин келажак кутмоқда, у жуда ҳам ақлли ўйинчи», - дейди Сёмин Metaratings.ru билан суҳбатда.

Маълумот учун, 20 ёшли ўзбекистонлик яримҳимоячи ЦСКА сафида РПЛдаги 14 ўйинда битта гол ва 6та ассистга муаллифлик қилди.