Марселино Гарсия Торал «Вилярреал»нинг янги бош мураббийига айланди.

58 ёшли мутахассис билан 2026 йилнинг ёзига қадар шартнома имзоланди ва у сешанба кунидан иш бошлайди.

Марселино 2013 йилдан 2016 йилгача «Вилярреал»да ишлаган. Кейин эса «Валенсия», «Атлетик» ва «Марсел» клубларини бошқарган. У сентябр ойида француз клубини тарк этганди.

13-турдан кейин «Вилярреал» 12 очко билан Ла Лигада 14-ўринда бормоқда. Кейинги ўйинда жамоа «Осасуна» билан тўқнаш келади (26 ноябр).