«Бавария» клуби Австралия ўсмирлар ва миллий жамоасининг 17 ёшли аъзоси Нестори Иранкунду трансферини эълон қилди.

«Аделаида Юнайтед» клубининг 17 ёшли вингери Нестори Иранкунду фаолиятини Бундеслигада давом эттиради. У 18 ёшга тўлганидан кейин 2024 йилнинг 1 июл куни Мюнхен жамоаси сафига бориб қўшилади.

Иранкунда Австралия миллий жамоасидан ҳам чақирув олган. Унинг ота-онаси Бурунди мамлакатидан бўлиб, улар Танзаниядаги қочоқлар лагерига келганда Нестори шу ерда туғилган. Фуқаролик урушидан кейин унинг оиласи Австралияга кўчиб ўтгач, Иранкунду «Аделаида Юнайтед» клуби академиясидан ўрин олиб, ҳозиргача Австралия U17 жамоаси аъзоси саналади.