Руди Гарсия «Наполи» бош мураббийлигидан кетади.

La Gazzetta dello Sport хабарига кўра, клуб президенти Аурелио Де Лаурентис «Эмполи»дан учралган мағлубиятдан (0:1) ғазабланган ва франциялик мутахассисни истеъфога чиқаришга қарор қилган. Мураббий деярли ишдан бўшатилган, у чоршанба кунидан давом эттириладиган машғулотларга келмайди. 

Гарсиянинг ўрнига асосий даъвогар «Марсел»нинг собиқ устози Игор Тудор бўлса, яна бир вариант — «Беневенто» томонидан феврал ойида истеъфога чиқарилган Фабио Каннаваро.

А Сериянинг амалдаги чемпиони бўлган Неапол клуби 12-турдан сўнг 21 очко билан 4-ўринни эгаллаб турибди ва пешқадам «Интер»дан 10 очкога ортда қолмоқда.