«Барселона» бош мураббийи Хави Ла Лига 13-туридан ўрин олган «Алавес»га (2:1) қарши ўйиндан сўнг ўз фикрлари билан ўртоқлашди. 

«Бироз яхшироқ ўйнай бошладик, аммо қиладиган ишларимиз кўп. Ғалаба қозониш учун даражамизни кўрсатишимиз керак эди. 

Жамоа энг яхши дамларни бошдан кечирмаяпти, ФИФА кунларидаги танаффус бизга фойда келтиради.

Энг паст нуқтадамиз, Ла Лигада иккита даҳшатли ўйин ўтказдик. Футболчиларга тинчланишларини, ҳаммаси жойида эканини айтдим. Улар ташқаридан бўлган босим туфайли одатдагидан кескинроқ эди. Бу сизни асабийлаштиради, нормал эмас. Футболчилар эркин ўйнашмайди.

Матбуот жамоага таъсир қилади. Улар ёлғон сценарийларни яратишади, бу жамоага таъсир қилади, негативлик ва асобийлик пайдо бўлади. Биз ёш футболчиларни бундан ҳимоя қилишимиз керак.

Яхшиланиш бор, лекин етарли эмас. Кўпроқ талаб қилишимиз керак. Ишончим комилки, юқорига кўтариламиз», — дея мураббийнинг сўзларини келтиради Marca.