«Манчестер Сити» бош мураббийи Хосеп Гвардиола АПЛ 12-туридан ўрин олган «Челси» (4:4) билан ўйиндан сўнг ўз фикрларини билдирди. 

«Премьер-лига учун яхши реклама, иккала жамоа ҳам ғалаба қозонишни истаган қизиқарли ўйин. Бошқа ҳеч нарсани кутмагандим. «Челси»да ажойиб жамоа бор, улар ҳар доим кучли рақибларга қарши яхши ўйнайди.

Ўз ўйинимизни «Челси»га юкладик, лекин назорат қилиш қийин бўлди, Палмер ва Мудрик эса ўз маҳоратини кўрсатди. Уларнинг дриблинги ва тезкорлиги туфайли баҳсни назорат қилиш қийин. Рақиб агрессив ҳаракат қилди.

Ташаббусга эга бўлдик ва 2-3 ҳужумда бирга-бир вазиятларда гол ура олмадик.

Тенг ўйин, адолатли натижа. Жамоани табриклайман, бизни танаффус кутмоқда, аллақачон Чемпионлар Лигасининг плей-офф босқичига йўлланма олдик.

Мен 7:0 ҳисобида ғалаба қозонишни афзал кўраман, лекин бу даражада буюк жамоага қарши ўйинда бунинг иложи йўқ», — дея «шаҳарликлар» устозининг сўзларини келтиради ВВС.