«Бирмингҳэм» Уэйн Руни қўл остида ғалабасиз серия қайд этмоқда. 

«Манчестер Юнайтед» ва «Эвертон»нинг собиқ ҳужумчиси 11 октябр куни жамоани бошқаришга киришганди. Ўшанда Чемпионшип вакили чемпионатда 11-турдан кейин 18 очко билан 6-ўринни эгаллаб турганди.

«Бирмингҳэм» Руни қўл остида 4 марта мағлубиятга учради, бир ўйинда «Ипсвич»(2:2) билан дуранг бўлди. 

16-турдан кейин жамоа 18-ўринга тушиб кетди.

«Биз жуда яхши жамоаларга қарши ўйнадик. Дастлабки икки ўйинда етарлича яхши эмасдик. Лекин кейин футболчиларга кўп нарсани етказишга ҳаракат қилдик ва ўйинни ўзгартирдик.

Сўнгги 3та ўйинда ижобий лаҳзалар бўлди, ривожланишни кўрдим. Лекин, албатта, натижалар яхшиланиши керак ва ишончим комилки, шундай бўлади», — деди Руни.