«Бавария» ҳужумчиси Ҳарри Кейн «Интер Майами»нинг аргентиналик футболчиси Лионел Месси билан бир жамоада ўйнашни хоҳлашини айтди.

«Месси билан ўйнашни хоҳлардим. Лионел — футбол тарихидаги энг буюк ўйинчилардан бири. У менга мунтазам равишда ассистентлик қилган бўларди», — дея 30 ёшли инглизнинг сўзларини келтиради АS. 

Кейн 2023 йил ёзидан «Бавария»да ўйнамоқда ва бу мавсумда Бундеслигада 10та ўйинда 15та гол урди. Унинг мюнхенликлар билан шартномаси 2027 йилнинг июн ойи охиригача амал қилади.