Арда Гюлернинг «Реал» сафидаги дебюти яна чўзиладиган бўлди. Карло Анчелотти туркиялик футболчи ўйинга тайёр эмаслигини маълум қилган.

Гюлер сўнгги икки ўйинда Мадрид клубининг қайдномасидан ўрин олган бўлса-да, майдонга тушмаганди.

«Брага»га қарши ўйиндан кейин унга яна нимадир бўлди. Жиддий нарса эмас, аммо нимадир безовта қиляпти. Арда хафа, чунки у ўйнашни истамоқда. Бу ортга кичик қайтиш. Бу аввалги жароҳатнинг қўзғалиши эмас. У ФИФА кунларида янада яхшироқ тикланиши мумкин», - дейди Анчелотти.

Эслатиб ўтамиз, 18 ёшли туркиялик хавбек «Фенербахче»дан 20 миллион еврога сотиб олинганди. «Реал» - «Валенсия» баҳси шанба оқшомида соат 01:00да бошланади.