«Манчестер Юнайтед» бош мураббийи Эрик тен Ҳаг ЕЧЛ 4-туридан ўрин олган «Копенҳаген» (3:4) билан ўйиндан сўнг ўз фикрларини билдирди. 

«Ўйлашимча, қизил карточкагача жуда яхши ўйнадик. Четлатиш ҳаммасини ўзгартирди. Шундан сунг ўйин бошкача бўлди.

Четлатиш — қаттиқ қарор. Менимча, ҳакамнинг ишончи комил эмасди.

Кўп ижобий томонларни кўрдим, лекин концентрацияни йўқотиб голлар ўтказиб юбордик. 10 футболчи билан шунча вақт ўйнаш қийин.

Дастлабки 20 дақиқада «МЮ» энг яхши ўйинини ўтказди. Колаверса, 10 футболчи билан ҳам баҳсни назорат қилдик.

Жуда қаттик курашдик ва шунга карамай бир очко ҳам қўлга кирита олмадик. Бу хафсалани пир қилди. 

Танаффусдан кейин ҳам яхши ўйнадик. Биз ўтказиб юборган икки гол ҳисобланмаслиги керак эди. Биринчи ҳолатда офсайд бўлди, Онананинг олдида футболчи бор эди. Фақат бугун эмас, бошқа ўйинларда ҳам бизга қарши кўплаб қарорлар қабул қилинди. Лекин мавсум узоқ, бир кун келиб ҳаммаси бизнинг фойдамизга ҳал бўлади», – дея нидерландиялик мутахассиснинг сўзларини келтиради ВВС. 

Эслатиб ўтамиз, беллашувда манкунианликлар ҳужумчиси Маркус Рэшфорд 42-дақиқада қизил карточка олди. Ўшанда «МЮ» 2:0 ҳисобида олдинда эди.