«Реал» дарвозабони Кепа Аррисабалага Чемпионлар лигаси 4-тури доирасидаги «Брага»га қарши ўйин (3:0) олдидан жароҳат олганди.

Ўйин олди машғулотларда жароҳат олган испаниялик голкипер тиббий текширувдан ўтгач, унинг сон мушаклари шикастлангани маълум бўлди. Шу тариқа, Аррисабалага камида 2-3 ҳафтага сафдан чиққани маълум қилинган.

У «Реал»нинг «Валенсия»га қарши ўйини ва Испания миллий жамоасининг ноябр ойидаги йиғинини ўтказиб юбориши кутилмоқда.