Нуну Эшпириту Санту «Ал Иттиҳод»дан истеъфога чиқарилди

Саудия Арабистони жамоаси ОЧЛ 4-турида Ироқнинг «Эйр Форс» клубидан учралган мағлубиятдан (0:2) сўнг португалиялик мутахассисни ишдан бўшатганини маълум қилди.

«Ал Иттиҳод» Саудия Про лигасида қаторасига 5та ўйиндан бери ғалаба қозона олмаяпти ва турнир жадвалида 6-ўринда бормоқда.

Ўтган мавсумда Нуну Эшпириту бошчилигидаги жамоа мамлакат чемпионлигини қўлга киритганди.

Мавсум оралиғида жамоага ҳужумчи Карим Бензема, шунингдек, яримҳимоячилар Нголо Канте ва Фабиньо қўшилди.