ЦСКАнинг чилилик яримҳимоячиси Виктор Давила клубдоши Аббос Файзуллаевнинг салоҳиятини юқори баҳолади.

«Аббос янги Алексис Санчесми? Мен уларни солиштира олмайман. Аббос — қойилмақом футболчи ва у ажойиб фаолиятининг бошида. Умид қиламанки, у ривожланишда давом этади. Санчес эса ўзининг муваффақиятли карьерасини ҳисобга олсак, бошқа даражадаги ўйинчи.

Умид қиламизки, Аббос ҳам Алексисдек карьера қура олади, балки у Санчесдан ҳам яхшироқ бўлар», — дея Давиланинг сўзларини келтиради РБ Спорт. 

Файзуллаев шу йилнинг ёзида «Пахтакор»дан ЦСКАга ўтганди. Ўзбекистонлик 20 ёшли яримҳимоячи Москва клубида 13та ўйинда 1та гол урди ва 3та голли узатма берди.