Аргентина миллий жамоаси яримҳимоячиси Анхел Ди Мария Лионел Месси тарафини олиб, Лотар Маттеусга қўпол жавоб қайтарди.

Германия миллий жамоаси собиқ ўйинчиси Лотар Маттеус Месси «Олтин тўп»-2023га ҳақли бўлмагани, соврин Эрлинг Ҳоландга топширилиши кераклиги ҳақида гапирганди. 

Бунга жавобан Мессининг жамоадоши ва дўсти Анхел Ди Мария ижтимоий тармоқда германиялик «Олтин тўп»-1990 соҳибига «Бор, бошқа жойда йиғла», - дея жавоб қайтарди.

Маълумот учун, Маттеус Германия миллий жамоаси сафида ЖЧ-1990 ва Евро-1980 ғолиблигини қўлга киритган. У «Бавария» сафида ҳам 7 карра Бундеслига чемпиони саналади.