«Олтин тўп-2023» соҳиби Лионель Месси соврин учун унга рақобатчи бўлган Килиан Мбаппе ва Эрлинг Ҳоланд ҳақида гапирди. 

«Мбаппе ва Ҳоланд — қойилмақом футболчилар. Килиан билан бир клубда («ПСЖ»да) икки йил ўйнадим ва унинг улкан истеъдоди борлигини биламан.

Мбаппе — ҳали жуда ёш, иккаласи ҳам ёш. Бу ерда улар билан келажакда яна учрашамиз. Ҳоланднинг ҳам ўзига хос карьераси бор.

Ишончим комилки, тез орада улар ҳам «Олтин тўп» соҳибига айланишади», — деди Месси.

Маълумот учун, «Олтин тўп-2023» учун курашда Ҳоланд иккинчи, Мбаппе учинчи ўринни қўлга киритди.