8-бор «Олтин тўп»га сазовор бўлган Лионель Месси собиқ клуби «Барселона» ва фаолиятини қачонгача давом эттирмоқчилиги тўғрисида гапирди. 

«Барселона»? Албатта, сиз дунёнинг энг яхши жамоасида ўйнасангиз, жамоавий ва индивидуал совринларни қўлга киритиш учун кўпроқ имкониятларга эга бўласиз, айниқса, тарихдаги энг яхши жамоа билан. Бу — дунёдаги энг яхши клуб, ўзига хос ва бошқалардан фарқ қилади.

Албатта, доим «Барселона»ни кузатиб бораман ва буни давом эттираман. Мен бу клубни яхши кўраман ва уни бутун умр севаман. 

Яна қанча ўйнайман? Жуда узоқ. Билмайман. Жисмонан ўзимни қандай ҳис қилаётганимни кўришим керак. Айнан санани айта олмайман.

Ҳаммаси тез ўзгармоқда. Лекин умид қиламанки, фаолиятим жуда узоқ давом этади, чунки мен футбол билан шуғулланишни яхши кўраман», — деди «Интер Майами»нинг аргентиналик ҳужумчиси. 

Эслатиб ўтамиз, Лео 2003 йилдан 2021 йилгача Каталония клубида ўйнаган.