Пеп Гвардиола Манчестердаги фаолияти давомида «Ливерпул» унинг жамоаси учун асосий рақиб бўлганини айтди.

«Фақат бир йил олинадиган бўлса Сульшер бошқарувидаги «МЮ» асосий рақиб бўлишга яқин эди, умумий олганда эса Клопп бошқарувидаги «Ливерпул» асосий рақобатчи бўлди. Қачонлардир «Манчестер Сити»даги фаолиятим якунланса, бу ердаги асосий рақибим сифатида «Ливерпул»ни ҳисоблайман. 

Улар бизга кўп қийинчиликлар туғдирган ва бу орқали барча жабҳаларда ўсишимизга ёрдам берган. «Сити»даги фаолиятим давомида ҳеч қайси жамоа уларчалик муаммо туғдира олмади», - дейди Гвардиола. 

Маълумот учун, 2017/18 йилги мавсумдан 2022/23 йилги мавсумга қадар «Ман Сити» 5 марта чемпионликни қўлга киритди. Бу орада фақат «Ливерпул» 2019/20 йилда АПЛ ғолиби бўлди.