«Барселона»га қарши Ла Лига 11-турида дубли билан «Реал»га ғалаба (2:1) келтирган Жуд Беллингҳэм ўз фикрларини билдирди. 

«Мен ҳам, жамоа ҳам ўз савиямизда ўйнамадик. Лекин ҳаракат қилишда давом этдик, босим ўтказдик ва характер кўрсатдик.

Яна бир камбэк. Буни яхши кўраман. Бундай ўйинлар юракка оғир, лекин қизиқарли. Биз ҳеч қачон таслим бўлмаймиз.

Бир неча ҳафтадан бери жарима майдончаси ташқарисидан зарба беришга уринаман. Рақибларим буни кутмагани учун узоқдан зарба беришга ҳаракат қила бошладим. 

Бу ўйинда жамоадошларим билан яхши боғлам бўлиш борасида ўзимнинг энг яхши даражамни кўрсата олмадим», — дея 20 ёшли инглизнинг сўзларини келтиради Marca.