«Реал» бош мураббийи Карло Анчелотти Ла Лига 11-туридан ўрин олган «Барселона»га (2:1) қарши ўйиндан сўнг ўз фирклари билан ўртоқлашди. 

«Асосий омил — биринчи ва иккинчи бўлимларда жамоанинг кайфиятидаги фарқ.

Биринчи бўлимда биз секин ва дангаса кўриндик, унчалик тажовузкор эмасдик. Иккинчисида эса бунинг акси.

Ҳа, баъзида сиз хоҳлаган тарзда ўйнай олмайсиз. Биз ўз даражамизда эмасдик. Бўлиб туради. Биринчи бўлимни унутамиз. Яхшиямки, иккинчи бўлим бошқача ўтди ва ғалаба қозона олдик.

Лука Модрич ўйин динамикасини ўзгартирди. Биз тўпни кўпроқ назорат қила бошладик.

Статистикага кўра, қийин стадионда 3 очкони қўлга киритдик. Кўп ўйинларни меҳмонда ўтказдик. Тақвим шуни талаб қилди, лекин буни яхши уддаладик.

Мавсум барча жамоалар учун узоқ. «Барселона» ажойиб жамоа бўлишда давом этмоқда. Улар охиригача курашади», — дея мадридликлар устозининг сўзларини келтиради Marca.