Дзюдо бўйича Ўзбекистон миллий жамоаси аъзоси Шаҳрам Аҳадов фаолиятида биринчи бор “Катта дубулға” таснифига кирувчи мусобақада ғалаба қозонди.

-73 кг вазн тоифасида иштирок этган юртдошимиз Абу-Даби турнирида муросасиз кечган финал беллашувида косоволик Акил Гяковадан устун келди. Ушбу натижа унга жаҳон ва Париж-2024 Олимпиадаси рейтинги учун 1000 очко тақдим қилади.