«Ювентус» бош мураббийи Массимилиано Аллегри А Серия 9-туридан ўрин олган «Милан»га (1:0) қарши баҳсдан сўнг ўз фикрлари билан ўртоқлашди. 

Турин клуби 2021 йил январдан сўнг илк бор «россонери»ни мағлубиятга учратди. 

«Яхши ҳимояландик, аммо футбол деталлардан иборат. Кен яхши ўйнади. 

Иккинчи бўлимни унчалик яхши бошламадик. Сўнгги дақиқаларда бизга сабр етишмади ва «Милан»га қарши ҳужумга ўтишга имкон бердик. Ҳа, бизда бир ўйинчи кўп эди, аммо рақиб Рафаэл Леаунинг тезлиги билан буни йўқота оларди. 

«Милан»ни мағлуб этганимизга анча вақт бўлганди, шунинг учун футболчиларимга раҳмат айтишим мумкин.

10 кишига қарши ўйнаганингизда, майдонни аэропорт сифатида ишлатишингиз ва рақибга тўпга яқинлашишига йўл қўймаслик керак, қарши ҳужумларга йўл қўйиб бўлмайди.

Кўпчилик бўлганда қандай ўйнаш борасида ишлашимиз керак, чунки бизда катта тажрибага эга бўлмаган бир неча ўйинчилар бор ва «Сан-Сиро»даги баҳс улар учун катта синов бўлди», — деди DAZN'га берган интервьюсида туринликлар устози