Арриго Саккининг айтишича, «Милан» вингери Рафаэл Леау унинг қўл остида ўйнай олмаган бўларди.

«У менинг жамоамда ўйнай олмасди. Футболчи билан шартнома имзолашдан олдин унга кўп қарайман. 

Менимча, Леау — яхши футболчи. Лекин футболда 11 нафар футболчининг барчаси югуриши ва майдонда ўз позициясига эга бўлиши керак. Менинг жамоамда ҳамма югурарди», — деди «Милан»нинг собиқ мураббийи.

Маълумот учун, France Football, World Soccer ва ESPN каби машҳур нашрлар Саккини футбол тарихидаги энг яхши мураббийлар ўнлигига киритган.