ФИФА ва Осиё футбол конфедерацияси Фаластин миллий жамоасининг уй ўйинларини Жазоирда ўтказиш сўровини рад этди.

Жазоир футбол федерацияси Фаластиндаги воқеалар сабабли ёрдам тариқасида ушбу мамлакат миллий жамоасининг ўйинларини Жазоирда ўтказишни эълон қилганди. Жазоир Фаластиндаги оғир вазият сабабли ЖЧ-2026 ва Осиё кубоги-2027 қўшма саралаш баҳсларини ўзида ўтказиши ва барча харажатларни қоплашини маълум қилганди.

Аммо ФИФА ва ОФК Фаластиннинг қитъадан ташқарида ўйин ўтказишига рухсат бермаган. ОФК Фаластиндан Осиё мамлакатларидан бирида ўйинларини ўтказиши кераклигини маълум қилган.