«Реал» бош мураббийи Карло Анчелотти «Севилья»га қарши ўйин олдидан Серхио Рамос ҳақида фикрини билдирди.

«Серхио билан кўришиш ва у билан суҳбатда бўлишимдан жуда ҳам хурсандман. Қўл остимда ўйнаган йигитлар билан ажойиб муносабатдаман, айниқса, Серхио билан боғлиқлигим кўп. «Реал»да ҳали ҳам ишлаётганимга Рамоснинг ўрни беқиёс. Айнан унинг учун ҳамон Мадриддаман. 

У 2014 йилда Чемпионлар лигаси финалида сўнгги дақиқаларда гол урмаганида эҳтимол, бугун мен «Реал»да бўлмасдим. Унинг Мадрид клубидаги фаолияти давомида жамоа учун қилган меҳнатларини ҳеч ким унутмайди ва Мадридда уни доим ардоқлашади. Умид қиламизки, у бизга гол урмайди», - дейди Анчелотти.

Маълумот учун, «Севилья» - «Реал» ўйини бугун соат 21:30да бошланади.