Жоан Лапорта «Барселона» Лионель Мессини жуда қадрлашини айтди.

Каталонияликлар президенти, шунингдек, аргентиналик футболчининг хайрлашув ўйини 2024 йилнинг ноябрида «Камп Ноу»да бўлиб ўтиши мумкинлигини таъкидлади.

«Биз Леога қайтишни таклиф қилдик. У бизга ўз фикрини айтди ва қарор қилди. Лео яна босим остида қолишни истамади ва «Интер Майами»ни танлади. Биз уни ҳурмат қиламиз ва жуда қадрлаймиз.

Унга ваъда берганмиз. «Камп Ноу»нинг очилишида Лео билан хайрлашув ўйини ўтказамиз. Стадионимизга 2024 йилнинг ноябрида қайтамиз (реконструкцияда). Бу 24 ёки 26 ноябрга тўғри келади», — дея Лапортанинг сўзларини келтиради Mundo Deportivo.