Анхель Ди Мария ёзда Аргентина миллий жамоасидаги фаолиятини якунлашини эълон қилди.

«Америка Кубоги ва ундан кейин ҳаммаси тамом. Бу миллий жамоа учун қилган охирги ишим бўлади.

«Бенфика» менга Аргентина сафида ўйнашни давом эттириш имкониятини берди ва мен қитъа чемпионатида бўлиш учун ҳамма нарса қиламан», — деди ҳозир жароҳатини даволатаётган 35 ёшли вингер. 

Ди Мария Аргентина сафида 2008 йилдан буён ўйнаб келмоқда ва ҳозиргача 134та ўйинда майдонга тушган. У жамоага Олимпиада, Америка Кубоги, Финалиссима ва жаҳон чемпионатида ғолиб чиқишига ёрдам берган. 

2024 йилги Америка Кубоги 20 июндан 14 июлгача АҚШда бўлиб ўтади.