Марио Балотелли уни танқид қилган Златан Ибраҳимовичга жавоб қайтарди.

«Златан менга ҳеч қандай сабабсиз омма олдида «ҳужум қилгани» ғалати. У мендан кўра Леауни яхши кўрадими, менга фарқи йўқ, бу аҳмоқона изоҳ эди.

Чемпионлар Лигаси кубоги туширилган суратни жойлаш орқали шунчаки муҳим ўйинларда иштирок этганимни ва Златан эса уларнинг баъзиларида йўқ эканлигини айтмоқчи эдим.

Клуб Чемпионлар Лигасида ғолиб чиққанида, жамоанинг барча аъзоларини ҳурмат қилиш керак. Масалан, Матерацци 2009/10 йилги мавсумда кам ўйнади, аммо уни «ғолиб эмас» деб бўлмайди.

Мен бир нечта хатоларга йўл қўйдим, ўз иқтидоримдан бошқача фойдаланишим мумкин эди. Ҳа, Ибраҳимович ҳақиқатан ҳам менга кўпроқ нарсага эришишим мумкинлигини айтган. Балки, «Олтин тўп»ни қўлга киритишим мумкин эди, бу аниқ.

Мен шахс сифатида ҳар доим Златандан кучлироқ бўлганман, шунинг учун у менга алоҳида муаммо ярата олмаган. Мен учун Матерацци Златандан кўра каттароқ акага ўхшарди.

Златаннинг кетиши «Интер»га ЕЧЛда ғалаба қозонишига ёрдам берган. Ўшанда Милито қўли тегган ҳамма нарсани олтинга айлантирган ва Это'О ҳам доимо ҳал қилувчи ҳисса қўшган. Қолаверса, Снейдер билан яхши ишлаганман», — деди «Адана Демирспор» форварди TV Play'га берган интервьюсида.