«Ювентус» спорт директори футболчи сотиб олишни рафиқа танлаш билан солиштирди.

«Иложи борича камроқ хато қилишга уринамиз, аммо улар ҳали ҳам кўп.

Футболчи топишни рафиқа танлаш билан солиштириш мумкин. «У ўша» деб ўйлайсиз, уйга олиб келасиз ва унинг овқат пишира олмаслигини, уйни тозаламаслигини, кийимларни дазмолламаслигини тушунасиз...

Кўплаб омилларга эътибор беришингиз керак. Таққослашингиз мумкин бўлган мезонларни ва ролларни тушунишингиз керак.

Хатолар кўп, лекин муваффақиятлар ҳам бор ва улардан миннатдорман», — дейди Кристиано Жунтоли.

Эслатиб ўтамиз, Жунтоли ўтган мавсумларда «Наполи»да фаолият юритиб, бир қанча футболчиларнинг кашф қилинишига ҳисса қўшган. Бу мавсумдан Турин клубида ишламоқда.