«Реал» ҳимоячиси Начо Фернандес «Эль Класико»да иштирок этиши мумкин.

Испаниялик футболчи «Жирона»га қарши ўйиннинг (3:0) 90+3-дақиқасида рақиб аъзоси Кристиан Португа қўполлик қилгани учун тўғридан тўғри қизил карточка олган ва Ла Лиганинг 3та ўйинига дисквалификация қилинганди.

«Реал» бу қарор устидан апелляция берди ва қўмита Мадрид клубининг илтимосини қаноатлантирди. Ҳимоячининг дисквалификацияси 2 ўйинга қисқартирилди. Начо бу баҳслардан бирини ўтказиб юборган — «Осасуна» билан (4:0).

Фернандес «Реал»нинг «Севилья»га қарши ўйинида ҳам қатнашмайди, 28 октябр куни «Барселона» билан эса майдонга туша олади.

«Барселона»да воқеага киноя билан муносабат билдиришди: «Бундай ҳолатлар ҳайрон қолдирмай қўйган».