«Ювентус» ҳимоячиси Данило жароҳати сабаб 3 ҳафтага яқин вақтни майдон ташқарисида ўтказади. 

32 ёшли футболчи Бразилия миллий жамоасининг Венесуэлага қарши ўйинида (1:1) жароҳат олди.

Турин клуби футболчининг чап сони мушаклари шикастлангани ҳақида хабар берди. 

Жанлука Ди Марционинг ёзишича, бразилиялик ҳимоячи 20 кунга яқин майдонга туша олмайди. Шу тариқа, Данило 22 октябр куни бўлиб ўтадиган «Милан» билан ўйинда иштирок эта олмайди.

А Сериянинг бу мавсумида Данило 8 ўйин ўтказиб, 1та гол урган.