Про лига 21-тури доирасида «Орол» клуби Нукусда «Машъал» устидан зафар қучди.

Учрашувда Дамир Низановнинг иккинчи бўлимда пеналтидан киритган ягона голи «Орол»га муҳим ғалабани келтирди – 1:0.

Шу тариқа, Неъматилла Қутибоев шогирдлари 25 очко билан 5-ўринга кўтарилди. Нукус жамоаси сўнгги турда Самарқандда «Юниред» меҳмони бўлади. «Орол» бу ўйинда керакли натижага эришиб, 5-ўринни сақлаб қолса, Суперлига йўлланмаси учун курашиш имкониятига эга бўлади. 

Бунинг учун дастлаб 4-ўриндаги «Машъал»га қарши плей-офф ўйинида қатнашса, бу баҳс ғолиби 3-ўриндаги «Қўқон-1912» клубига қарши плей-оффда иштирок этиш ҳуқуқига эга бўлади. Ғолиб эса Суперлигада 12-ўринни эгаллаган жамоага қарши ўз майдонида ўтиш баҳсида қатнашади.

Про лига. 21-тур
Орол – Машъал – 1:0
Гол: Дамир Низанов, 53 пеналтидан.