«Манчестер Юнайтед» мухлисларнинг клуб Глейзерлар оиласида қолишига муносабатидан хавотирда. 

Аввалроқ INEOS раҳбари Жим Рэтклифф клубнинг 25 фоиз акциясини сотиб олиши, назорат пакети эса ҳозирги эгаларда қолиши маълум қилинганди.

Daily Mail хабарига кўра, клуб мухлисларнинг навбатдаги уй ўйинида ғалаён қилишини ёки бошқа йўл билан ўз норозилигини билдиришини кутмоқда. Шу муносабат билан манкунианликларнинг навбатдаги ўйинида хавфсизлик чоралари кучайтирилиши кутилмоқда.

24 октябр куни «МЮ» Чемпионлар Лигаси гуруҳ босқичида «Копенҳаген»ни қабул қилади. АПЛ доирасида «Манчестер Сити» билан беллашув эса 29 октябрга белгиланган — мухлислар ўртасида дербини бойкот қилиш таклифлари аллақачон пайдо бўлган.

«МЮ»га «Копенҳаген»га қарши ўйинда «Олд Траффорд»дан ташқарида катта Манчестер полицияси ёрдам беради», — деди бош назоратчи Коллет Роуз.