«Тоттенҳэм» ҳужумчиси Сон Ҳён Мин Премьер-лигада ой лауреати деб топилди.

Лондон клуби етакчиси ўтган ойда 4 ўйинда 6та голга муаллифлик қилди ва 3 баҳсда жамоасининг ғалабасига ҳисса қўшди.

31 ёшли кореялик футболчи фаолияти давомида тўртинчи марта ой лауреатига айланмоқда. Деннис Бергкамп, Бруну Фернандеш, Тьерри Анри, Фрэнк Лэмпард, Муҳаммад Салоҳ, Пол Скоулз ва Алан Ширер ҳам АПЛда 4 мартадан ой лауреатига айланган.

Маълумот учун, сентябр ойида Хулиан Альварес, Жеррод Боуэн, Педру Нету, Муҳаммад Салоҳ, Киран Триппьер ва Олли Уоткинс сингари футболчилар ҳам совринга даъвогарлик қилганди.